Махамбет академиялық қазақ драма театры

Махамбет Өтемісұлы атындағы Атырау облыстық академиялық қазақ драма театры — Қазақстандағы ең көне театрлардың бірі, 1938 жылы құрылған. Театр алғаш рет Гурьев қаласындағы “Нефтяник” клубының жанынан құрылған 1 жылдық студия түлектері негізінде құрылды. Алғашқы шымылдығы М. Әуезовтің “Түнгі сарын” пьесасымен ашылды. Ұлы Отан соғысы кезінде ер-азаматтар майданға аттанғанымен, әйел әртістер театр жұмысын тоқтатпай жалғастырды. 1948 жылы Орал музыкалық-комедия театрымен бірігіп, облысаралық театрға айналды. Бүгінде театр классикалық және заманауи қойылымдармен көрерменнің сүйіспеншілігіне бөленіп келеді.